Tanah Bumbu,Naya silih am tahaga 24 pakit Sabu nang baratnya 144 garam, malaran ganal tangkapan Satres Narkoba Polres Tanah Bumbu.
Nang kaya biasa pang Pulisi dapat habar matan bubuhan warga bahawa ada nang ma'idar akan alias bajualan Sabu di Desa Gunung Besar Kecamatan Simpang Empat.
Balalu bubuhan Pulisi manyalidik ka Jl. Komplek BHP Desa Gunung Besar. Kamis (09/11/23) sakira jam 14.30 WITeng, bubuhan Pulisi tahaga wan tadapat am saikung lakian bangaran Fahryanor (32), warga Desa Gunung Besar.
Barang bukti salain Sabu nang tadapat Pulisi; 1 bungkus palastik kalip, 1 timbangan digital, 1 bung wan isapannya sedotan, 1 sinduk palastik kalir putih, 1 pipat kaca, 1 kutak Tupperware kalir biru, 1 bungkus bakas minuman mirik Jas Jus, wan 1 hinpun mirik Redmi kalir biru.
Labar am sabarataan barang bukti wan urangnya dibawa ka Polres Tanah Bumbu gasan dipariksa. ©Jurnalisia™
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.