Kotabaru,Bagantung jua sidin naya maraga baisian masa'alah paribadi.
Gigir dapatnya bubuhan warga di Desa Semayap Kecamatan Pulau Laut Utara Kotabaru, napang warganya kita sambat haja ngarannya Cuyan (21), tadapat kawalnya sudah maninggal bagantung di padu.
Kisahnya kaya naya, kawalnya si Cuyan naya datang ka rumah Cuyan wayah nintu sakira jam 12.30 malam. Inya melihat Cuyan barabahan sambil manangis di padu. Kawalnya naya lalu makan di muka tipi. Cuyan masih di padu bamati lampu.
Sakira jam 12.45 malam, kawalnya si Cuyan naya ka padu, pas mahidupi lampu, talihat am Cuyan sudah tagantung di padu. Pinanya rahatan kawalnya naya makan si Cuyan bagantung.
Kawalnya (Saksi) naya balalu mahiyau nang lain datangan ka rumah Cuyan. Imbah nintu sakira jam 01.00 malam mayat Cuyan diturun akan, dibawa ka RSUD Pangeran Jaya Sumitra.
"Nang bagantung nintu pinanya baisian masa'alah paribadi, ujar Saksi inya nintu rahat minum ubat Samkodin wan minum alkuhul," ujar Pulisi. ©Jurnalisia™
Jurnalias : Agus Ariyanto
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.