Tanah Bumbu,Sahari mandua kali barumpakan di Desa Karang Indah Kecamatan Angsana. Panambayan taruntun marumpak sampida mutur Honda Beat maraga bagasutan babiluk, bamatian, saikung maninggal dunia sabaluman sampai ka rumah sakit.
Nang kadua sampida mutur Honda Vario marumpak mutur Mitsubishi Triton. Sadang jua sudah supir mutur Triton itu manjajak rim tagal maraga parak banar; barumpak jua am.
Kisahnya damiya, Triton nintu ampah matan Batulicin ka Banjarmasin salang sampida mutur matan ampah sabaliknya. Wayah rahatan Triton handak manyubarang bamasuk ka lurung halus datang sampida mutur balalu marumpak.
Sampida mutur malaran rusak, nang manunggang baluka'an; luka di bibir wan awak lisit-lisit, dibawa ka kalinik ditambai.
Nang basampida mutur bangaran Dedi Yusuf (23), warga Buton Utara, nang manyupir Triton bangaran Deverson (48), warga Pekauman Banjarmasin Selatan.
Barakat Sat Lantas Polres Tanah Bumbu badudua badamai, kadada nang manuntut. ©Jurnalisia™
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.