Digalagai Pulisi Pamuda Naya Tadapat Baisi Sabu Labih Satangah Uns - Jurnalisia™

  • Jurnalisia™

    Mengusung Kearifan Lokal

    Jurnalisia™

    Sumber Data Cuaca: https://cuacalab.id

    Kamis, 26 Oktober 2023

    Digalagai Pulisi Pamuda Naya Tadapat Baisi Sabu Labih Satangah Uns


    Tanah Bumbu,
    Malaran banyak tadapat bubuhan Satres Narkoba Polres Tanah Bumbu; Sabu banyaknya 17 pakit baratnya 51,06 garam alias labih satangah uns.

    Nang tatangkap bubuhan pulisi nintu bangaran Noval (24), masih anum alias pamuda, warga Desa Hidayah Makmur Kecamatan Simpang Empat.

    Kajadian ditangkapnya si Noval nintu di satu rumah di intangan Jl. Sampurna Desa Hidayah Makmur Kecamatan Simpang Empat, hari Arba (25/10/23) sakira jam 17.00 WITeng.

    Kaya biasa nang kaya sudah-sudah; ada bubuhan warga nang bahabar ka pulisi, mamadah akan disitu rancak ada nang bajualan Sabu. Bubuhan pulisi babalu manyalidik imbah dapat habar.

    Bubuhan pulisi manuju ka wadah kagana'an si Noval. Digalagai pulisi si Noval naya, tadapat am barang buktinya nang dibungkus panyu (plastik) wan barang bukti nang lain.

    Labar am si Noval naya wan barata'an barang bukti dibawa bubuhan pulisi gasan dipariksa. Tatangguhan si Noval naya bajualan Sabu. Si Noval naya kada sing gawian manurut data nang dikirim pulisi ka madia naya. ©Jurnalisia™ 

    Tidak ada komentar:

    Posting Komentar

    Komentarmu adalah gambaran isi kepalamu, maka diam lebih bijak daripada sok tahu.

    Beranda