Tadapatnya musim panas ini sumur karingan, dam penampungan banyu wan sungai gin ai taumpat basurut banyunya, bubuhan warga ngalih dapat banyu, bagiliran supaya kulihan banyu utamanya di daratan Pulau Laut ka'andakan ibukota Kabupaten Kotabaru.
Tagal untungnya ada haja nang hiran-hiran ke bubuhan warga nang kangalihan banyu itu, sidin ini Anggota DPRD Propinsi Kalsel, ngaran sidin Risdianto HB nang kada lain tamasuk Kader PKB, wan nang ading bangaran Hj. Fatmawati Haleng, nang pacangan Caleg gasan DPRD Propinsi Kalsel matan PKB.
Ba 2 ba'ading ini, Ahat (10/09/23), membantu bubuhan warga nang kangalihan dapat banyu, babagi banyu garatis alias kada babayaran.
Saikung matan Tim Relawan Pacang Caleg ini umpat membagi banyu gasan bubuhan warga, ngarannya Acong baucap; alhamdulillah hari ini ujarnya bubuhan inya kawa babagi banyu gasan bubuhan warga masyarakat di Desa Rampa Lama RT 01 wan Desa Dirgahayu di RT 11 wan RT 19. Banyu nang dibagi ini diangkut pakai trak tangki nang isi 5.000 litar. Desa nang lain jua kaina dapat bagian banyu garatis jua.
"Ini tandanya peduli matan Risdianto HB wan Hj. Farmawati Haleng gasan membantu warga Kotabaru nang memerlu akan banyu barasih, baharap gawian bantuan banyu barasih ini tetarusan salawas musim panas di Kotabaru," ujar Acong.
Bubuhan warga Desa Rampa Lama wan Desa Dirgahayu nang merasa tabantu baucap banyak terimakasih ke Risdianto HB wan Hj. Fatmawati Haleng nang sudah hakun membantu bubuhannya dapat banyu barasih garatis. Jurnalisia
Jurnalis : Agus Ariyanto
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.