Kotabaru,Mraga kada mambalas WA haja nang bangaran Wahyudi naya disuduk ulih nang bangaran MS.
Kajadiannya di Gunung Sari Kecamatan Pulau Laut Utara Kotabaru, Arba (08/11/23) sakira jam 06.30 baisukan, di rumah warga bangaran Suhardi. Si MS naya mandatangi Wahyudi di rumah Suhardi, manakuni dimapa jadi kada mambalas WA, di rumah nintu ada jua Ruduansyah.
"Kada tahu dimapa si MS naya tang manyuduk Wahyudi wan lading," ujar Kapolsek Pulau Laut Utara, Ipda M. Rifani.
Riduansyah nang malihat kajadian nintu baparak handak mahalati, tagal MS manyuduk Riduansyah jua. Wayah si MS manyuduk Riduansyah nintu Wahyudi bukah tagal talihat MS nang balalu manyasahi wan manyuduk Wahyudi.
Ujar Kapolsek, maraga banyak warga nang kaluaran pada rumah, MS bukah ampah ka kabun. Labar am Wahyudi takana 3 sudukan di parut wan rabit di tangan kiwa, Riduansyah jua luka di parut.
MS kawa ditangkap pada Kamis (09/11/23) sakira jam 06.45 ulih bubuhan Polsek pulau Laut Utara pas rahatan ada di pinggir sungai di balakang rumah kuwitannya di Gunung Sari.
“Palaku mangakui barataan parigalnya. Palaku jua imbah manginum racun rumput bamaksuty babunuh diri,” ujar Kapolsek.
Ditambah akan Kapolsek, kada sa'apa lawas imbah ditangkap Palaku muak kaluar cairan hijau matan muntungnya, lalu ai dibawa ke RSUD Pangeran Jaya Sumitra Kotabaru gasan ditambai. ©Jurnalisia™
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.