Kada Lawas Parkir Sampida Mutur Maka Hilang

Tanah Bumbu,

Kukurang labih 1 jam imbah diparkir sampida mutur maka hilang.

Damiya kisahnya, sakira jam 23.30 WITeng, Jumahat (17/11/23), Ahmad Zailani (21) wan Ahmad Ferdy (18) bajalanan ka Taman Edukasi di kecamatan Simpang Empat nang bahiga'an atawa baparakan wan Pasar Minggu (Pusat Niaga Bersujud). 

Sampida mutur Honda Scoopy kalir culkat hirang diparkir di muka bakas masin ATM BRI, ditinggal akan disana kukurang labih 1 jam. Wayah handak bulikan, didatangi ka wadah ma'andak sampida mutur, kadada lagi talihat sampida mutur nintu alias hilang.

Maraga hilang nintu ampun sampida mutur rugi sakira Rp 9 juta'an. Balalu malapur ka Polsek Simpang Empat.

Sakira jam 09.00 WITeng, Sanayan (20/11/23), Unit Reskrim Polsek Simpang Empat dibantu Unit Reskrim Kusan Hilir ma'aman akan 1 urang nang didawa jadi Palaku nang ma'ambil sampida mutur bangaran Ardian (27), warga Kecamatan Sungai Pinang Kabupaten Banjar. Palakunya naya tadapat di intangan Desa Pasar Baru Kecamatan Kusan Hilir.

Makanya siapa haja kainannya amun ma'andak sampida mutur bahati-hati jangan taya, dipasti akan sampida mutur nintu bakunci satang atawa dimapa caranya supaya sampida mutur nintu kada dicuntan maling. ©Jurnalisia™ 

👀 8790