Tanah Bumbu,Bubuhan panyabuan di Tanah Bumbu naya pina kada hintat-hintat, padahal bilang handak saban hari Pulisi batangkapan, pina kadada nang jaranya.
Hanyar-hanyar naya bubuhan Satres Narkoba Polres Tanah Bumbu mahaga wan manangkap Panyabuan pulang nang bangaran Syahrani (35), warga Gunung Besar Kecamatan Simpang Empat.
Papadahan urang kampung bahawa di wadah bubuhannya nintu rahat ada nang bajualan Sabu, balalu bubuhan Tim Opsnal Satres Narkoba Polres Tanah Bumbu manyalidik kasana.
Hari Kamis (09/11/23) sakira jam 15.15 WITeng, di Jl. Usaha Bersama Desa Gunung Besar, di satu rumah nang ada disana, bubuhan Pulisi manggalagai; tadapat Sabu 1 pakit baratnya 0,06 garam, 1 pipat kaca, 1 hinpun wan sacarik karatas tisu. Napang ada ai si Syahrani pada diangkut Pulisi. ©Jurnalisia™
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.