Tadapat Mayat Manusia di Laut Belum Tahu Siapa - Jurnalisia™

  • Jurnalisia™

    Mengusung Kearifan Lokal

    Jurnalisia™

    Sumber Data Cuaca: https://cuacalab.id

    Rabu, 04 Oktober 2023

    Tadapat Mayat Manusia di Laut Belum Tahu Siapa

    Tanah Bumbu,
    Sudah buruk mayat tadapat timbul larut di banyu di perairan Bunati Tanah Bumbu.

    2 warga Desa Rampa Lama Kotabaru bangaran Misran wan Rizky, melihat ada nang timbul di atas banyu.

    Wayah itu Misran wan Rizky itu handak ke kapal ganal bajualan buah. Sekali diparaki, nang timbul itu mayat manusia.

    Bubuhan nang badua itu balalu melapor ke Marnit Patraoli Bunati Satpolairud Polres Tanah Bumbu.

    Mayat manusia nang didapat itu belum dikatahuwani siapa, belum tahu ngarannya, tagal memakai baju kalir hirang batulisan Dharma Lautan Utama wan tulisan angka 149379, basalawar panjang kalir coklat tuha, jua di tangan kanan memakai tasbih kayu.

    Bubuhan Satpolairud Polres Tanah Bumbu wan bubuhan Ditpolairud Polda Kalsel berangkat me'ambil mayat itu gasan dibawa diperiksa di RSUD Amanah Husada Tanah Bumbu. ©Jurnalisia™

    Tidak ada komentar:

    Posting Komentar

    Komentarmu adalah gambaran isi kepalamu, maka diam lebih bijak daripada sok tahu.

    Beranda