Kotabaru,Bubuhan Polres babagi banyu gasan membantu bubuhan warga nang ngalih kulihan banyu di musim panas atawa kemarau ini.
Bubuhan Sat Samapta wan Humas Polres Kotabaru membagi banyu ke rumah bubuhan warga, belum lawas ini.
Ngarannya Polisi, babagi banyu pakai kendaraan taktis AWC ampun Sat Samapta Polres Kotabaru. Banyu barasih disalur akan ke wadah-wadah banyu ampun warga, jua ke masigit wan sekolahan.
Kapolres Kotabaru, AKBP Dr. Tri Suhartanto, SH, MH, M.Si melalui Kasi Humas, Ipda Agus Riyanto memadah akan, selain bukti bubuhan polisi itu mahirani warga, jua tanda polisi itu ada haja hadir di masyarakat.
Gawian sosial itu jua salajur maingati Hari Ulang Tahun Humas Polri ke 72 tahun 2023.
"Penyaluran banyu barasih ini pacangan terus haja oleh Polres Kotabaru gasab membantu mencukupi keperluan banyu barasih warga," ujar Kapolres. ©Jurnalisia™
Jurnalis : Agus Ariyanto
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.