Rahatan Mauk Bahualan di Warung, Imbahnya Ada Nang Tabantai - Jurnalisia™

  • Jurnalisia™

    Mengusung Kearifan Lokal

    Jurnalisia™

    Sumber Data Cuaca: https://cuacalab.id

    Kamis, 19 Oktober 2023

    Rahatan Mauk Bahualan di Warung, Imbahnya Ada Nang Tabantai

    Tanah Bumbu,
    Kada dikatahuwani jelas siapa nang baulah parigal maulah ada orang nang meninggal. Kejadiannya di warung di Jl. Valgoson Desa Teluk Kepayang, Arba (18/10/23) sekira jam 14.00 WITeng.

    Rilis datang Polres Tanah Bumbu memadah akan korbannya bangaran Muhammad Hendriansyah (26), warga Desa Sarigadung Kecamatan Simpang Empat. 

    Kisah kejadian sesuai rilis Polres Tanah Bumbu; bamula waktu Pelaku wan kawannya datang ke warung, kada lawas datang jua Korban wan kawannya.

    Ada jua nang bangaran Uhai wan Rasid wayah itu di warung, bubuhan badua ini ma'ambil gitar balalu keluar warung. Jadi di dalam warung itu ada Pelaku, Korban wan nang jaga warung bangaran Siti Aisyah wan Muhammad Ali.

    Pelaku wan Korban di dalam warung itu bahualan padahal rahatan mauk. Pelaku pinanya tasinggung balalu ma'ambil parangnya nang ada di atas meja warung, mencabut parang matan kumpangnya. Melihat itu Siti Aisyah langsung bukah ke wiga warung sambilan manggindung anaknya sambilan jua bakuciak minta tolong. Muhammad Ali bausaha mahalati tagal Pelaku liwar hamuk, Muhammad Ali bukah jua wan sampida motornya. 

    Kada lawas imbah itu Siti Aisyah babulik ke warungnya mendapati Korban sudah tabantai wan 3 mata luka timpasan di gulu kiwa, dada wan pagalangan tangan.

    Pelaku nang manimpas masih dicari polisi, beluman tadapat tagal polisi sudah tahu orangnya. ©Jurnalisia™

    Tidak ada komentar:

    Posting Komentar

    Komentarmu adalah gambaran isi kepalamu, maka diam lebih bijak daripada sok tahu.

    Beranda