Banjarmasin,Ngarannya Muhammad Ramadhan alias Rama (30), orang ini penipu, sudah ada nang tatipu oleh orang ini utamanya nang handak masuk jadi polisi.
Kisah kawa malulus akan orang nang handak masuk polisi, minta duit gasan maurus akan, kaputingannya barataan kena tipu, duit maka am hilang kejadian manapal.
Tim Ditreskrimum Polda Kalsel sudah maungkap sakadanya ada 24 ikung nang sudah ditipu si Rama ini, matan nang ratusan juta rupiah sampai lebih Rp 4,4 milyar. Sudah ada ba 3 nang melapor ke Polda Kalsel maraga tatipu oleh si Rama itu.
Ujar Kapolda Kalsel, Irjen Pol Andi Rian Djajadi, SIK, MH waktu konferensi pers, si Rama itu sudah matan 2020 gawiannya menipu orang nang handak masuk polisi.
Nang tatipu itu adalah bubuhan kuwitan nang handak banar anaknya kawa lulus jadi polisi, handak gampangnya haja makanya wani keluar duit banyak.
"Jadi nang basangkutan menjanji akan kawa malulus akan menjadi anggota Polri di barataan tingkat, matan Akpol, perwira sumber Polisi sarjana tamasuk Bintara. Wan imbah itu maunjuk ai ke duit banyak," ujar Kapolda.
Gasan supaya orang percaya si Rama ini menyamar jadi polisi alias polisi gadungan bapangkat Iptu, baisian kartu tanda anggota, wan baisian pistol jua di awak. ©Jurnalisia™
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.