Tanah Bumbu,Tabantai am bubuhannya ini di Puskesmas Perawatan Pagatan Kusan Hilir maraga imbah memakan nasi bungkus.
Paling kada ada 10 ikung kakanakan yatim piatu di Desa Manurung Kusan Hilir nang maula-ula alias mual imbah memakan nasi bungkus matan warga Desa Batuah bangaran Yanti. Sidin ini basadakah nasi 40 bungkus nang dibagi akan warga bangaran Halimah imbah orang sambahiyangan jumahat.
Kisahnya kaya ini bubuhannya ai, ada warga bangaran Deni nang saban hari jumahat basadakah nasi kotak gasan kakanakan yatim piatu di Desa Manurung Kusan Hilir. Hari jumahat semalam si Deni ini dapat titipan nasi bungkus matan Yanti nang handak jua basadakah.
Nasi bungkus matan si Yanti itu diantara Deni ke Halimah gasan dibagi akan, sedangkan Deni tulak bagawi, jadi inya kada umpat membagi akan nasi ke bubuhan kanakan yatim piatu itu.
Sekira kamarian jumahat itu Deni dapat habar bubuhan kanakan yatim piatu itu maula-ula perutnya imbah memakan nasi bungkus wan dibawa ke UGD Puskesmas Perawatan Pagatan.
Masa'alah itu sudah diurusi Unit Intelkam Polsek Kusan Hilir wan Unit Reskrim jua Anggota Jaga, bubuhan polisi ini sudah mendatangi Puskesmas memeriksa bubuhan nang pinanya keracunan itu. ©Jurnalisia™
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.