Rugi banyak am Indomaret dapatnya kacuntanan, perkiraan barataan lebih Rp 25 juta.
Malingnya kawa masuk ke dalam toko melalui atap belakang wan keluar imbah mambungkas lawang belakang toko.
Kejadiannya di J. Transmigrasi Plajau Gg. Bata Merah Desa Plajau Mulia Kecamatan Simpang Empat Tanah Bumbu, Kamis (19/10/23) sekira jam 06.40 WITeng.
Wayah itu nang bagawi di Indomaret itu turun ke gawiannya, rahatan membuka toko melihat wadah andakan roko bahamburan, kaya itu jua wadah andakan barang nang jua tahambur. Ada jua duit Rp 600 ribu ba'andak dalam kas taumpat hilang.
Macam-macam nang dicuntani maling; ratusan bungkus roko, semir rambut, pucir, kartu e-money, personal care wan lainnya.
Info matan rilis Polres Tanah Bumbu manyambat ada 2 ikung pelakunya; Damara Dirgantara (21) wan Wahyu Pradana (34), keduanya lainan orang Tanah Bumbu tagal orang Semarang Jawa Tengah. Selain barang bukti cuntanan matan Indomaret, ada jua barang bukti lain ya itu sampida motor Yamaha Mio Soul, kira-kira sampida motor ini ampun pelaku nang bacucuntan ini. Jurnalisia
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.