Tanah Bumbu,Maraga bagasutan babiluk ma'ulah supir taruntun kada kaubaran sampat manjajak rim, labar am marumpak sampida mutur nang dikandarai Ni Putu Melisa Jayanti (18), warga Desa Wanasari Kecamatan Angsana.
Kejadiannya hari niya pang, Arba (25/10/23) sakira jam 09.30 WITeng, di intangan tugu iwak di Blok F Sebamban II nang tamasuk Desa Karang Indah Kecamatan Angsana.
Nang dirumpak taruntun nintu sampat dibawa ka rumah sakit tagal kada sampatan, meninggal di jalan. Supir nang mambawa truntun Hino itu bangaran Eko Purwanto (34), warga Desa Sumber Baru Kecamatan Angsana.
Sampida mutur nang dirumpak itu Honda Beat. Baluman dikatahuwani taruntun nang marumpak itu bamuatan atawa puang kada baisi. ©Jurnalisia™
