Tanah Bumbu,Liwar malingnya ini, ponsel di higa awak ampunnya rahatan disatrum (di-cas) wan tas salimpang baisian duit Rp 500 ribu maka hilang. Taguring mati saku ampunnya ini.
Kejadiannya di Desa Pejala Kecamatan Kusan Hilir, Selasa (26/09/23) sekira jam 03.00 WITeng. Nang manyuntan gin ai sudah ditangkap Unit Reskrim Polsek Kusan Hilir hari Jumahat (29/09/23) sekira jam 16.00 WITeng, ngaran nang manyuntan Upe, warga Desa Mudalang Kecamatan Kusan Hilir.
Hilangnya ponsel wan tas salimpang kalir hirang itu pas saksi bangaran Yayu Nur Hasanah tabangun, melihat lawang dapur tabuka ligar bahangapan. Beluman tahu lagi napa nang hilang, caka kada si Robi, ampun ponsel mencari ponsel-nya tagal kada tatamu tamasuk jua tas salimpang nang baisian duit.
Maraga kehilangan ponsel wan tas itu ampunnya rugi sekira Rp 3,3 juta. Labar am baya melapor ai ke Polsek. ©Jurnalisia™
