Tanah Bumbu,Salawas 3 hari imbah meninggal hanyar dikatahuwani napa maraganya Harun meninggal, dikira tadinya maraga tagugur wan luka di kepala.
Maraga si Harun (39) meninggal sekalinya dihukum akan wan dicatuk di kepala oleh orang nang bangaran Wahyudi (43). Aruwah Harun itu dicatuk wan botol minuman anggur merah di kepala.
Kejadiannya Selasa (26/09/23), di rumah kontrakan di Desa Sejahtera Kecamatan Simpang Empat. Wayah itu sekira jam 00.30 WITeng (tengah malam) saksi sekaligus pelapor ya itu Jurahmil wan Rosnah rahatan guring, tabangun maraga mendengar suara ribut di muka rumah.
Merasa taganggu saksi/pelapor ini keluar melihati, pas dilihati di luar korban Harun sudah tabantai badarahan di kepala. Disitu ada jua si Wahyudi (pelaku), ditakuni saksi/pelapor kenapa si Harun maka tabantai badarahan, dijawapi si Wahyudi; tagugur.
Aruwah Harun wayah itu dibawa ke Puskesmas Simpang Empat tagal wayah sampai di Puskesmas orangnya meninggal.
Wahyudi nang maulah si Harun meninggal itu menyerahkan diri ke polisi, mengaku saurang mahukum akan wan mencatuk korban di kepala.
Supaya dikatahuwani, korban, pelaku wan saksi/pelapor itu barataan bubuhan pendatang matan Bima alias orang Bima. ©Jurnalisia™
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.