Kotabaru,Perusahaan ampun negara alias PT Pelabuhan Indonesia (Pelindo) ma'ada akan gawian bakti sosial; donor darah, bapariksa kesehatan garatis, di halaman Siring Laut Kotabaru, Ahat (17/09/23).
Ada jua diada akan olahraga senam sehat, marami akan peringatan Hari Perhubungan Nasional wan Hari Olahraga Nasional. Gawian bakti sosial ini jua basama'an atawa gawibasama Dinas Perhubungan, Lapangan Pesawat (Bandara) Gusti Syamsir Alam Stagen, KSOP (Syahbandar) wan Disparpora.
Donor darah itu PT Pelindo bagawibasama wan PMI Kabupaten Kotabaru.
General Manager atawa Bos Pelindo Kotabaru, Zainal Abidin mamadah akan gawian bakti sosial ini ujut bubuhan Sidin peduli wan sesama. Sidin baharap hasil donor darah ini kawa kainanya gasan keperluan masyarakat melalui PMI, mudahan kawa baguna gasan orang banyak.
Ada pang sekira 30 ikung nang donor darah, bubuhannya ini diberi oleh-oleh wan minyak sanga alias minyak goreng. ©Jurnalisia™
Jurnalis : Agus Ariyanto
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.