Musim Kemarau Sungai Kusan Surut, Bubuhan Desa Lasung Kakaringan Banyu - Jurnalisia™

  • Jurnalisia™

    Mengusung Kearifan Lokal

    Jurnalisia™

    Sumber Data Cuaca: https://cuacalab.id

    Selasa, 05 September 2023

    Musim Kemarau Sungai Kusan Surut, Bubuhan Desa Lasung Kakaringan Banyu

    Tanah Bumbu,
    Kakaringan judulnya. Jangankan sumur, sungai haja gin ai taumpat surut banyunya dapat musim kemarau kadada hujan.

    Tapaksa ai ujar Amang di Desa Lasung ini bubuhan orang kampung manukar banyu nang barasih jaranih gasan minum wan bamasak.

    "Harga banyu amun sa jarigin isi salawi litar itu malaran ai Rp 5 ribu," ujar si Amang bakisah.

    Amun gasan mandi wan batatapas ujar bubuhan warga di Lasung Kecamatan Kusan Hulu, kawa haja pang mamalar banyu sungai nang sudah liwar karuhnya itu.

    "Tagal banyu sungai gasan mandi itu gin ai pinanya selain sudah karuh, jua pinanya sudah tacamar wan banyu raksa (merkuri, Red)," ujar Amang nang lain bakisah.

    "Amun gasan batatapas, banyu sungai nang karuh itu kada kawa jua balalu dipakai, musti dibuati kapurit atawa tawas dahulu supaya jaranih, ditandak akan. Amun balalu dipakai batatapas, pacangan kada bagus baju salawar alahan pulang amun nang warnanya putih," Pambakal Helmy umpat jua basurah mahabar akan. 

    Turui banar pang alias takana banar pinanya di Desa Lasung Tanah Bumbu ini; musim kemarau atawa musim panas kakaringan banyu, musim hujan dapat banyu ba'ah alias kebanjiran. ©Jurnalisia™

    Tidak ada komentar:

    Posting Komentar

    Komentarmu adalah gambaran isi kepalamu, maka diam lebih bijak daripada sok tahu.

    Beranda