Kotabaru,Hari pamula'an rajia Zebra Intan 2023 di Kotabaru, dimulai tanggal 4 September 2023, sudah banyak bubuhan nang bakandara'an nang takana rajia Polisi Lalulintas.
Rajia di Pos Polisi di intangan Pasar Limbur di Jl. Putri Cipta Sari. Nang banyak tadapat rajia itu bubuhan nang pakai sepeda motor.
"Rajia ini tujuannya supaya kawa mangurangi pelanggaran lalulintas, jua mangurangi kecelakaan di wilayah hukum Polres Kotabaru," ujar bubuhan Satlantas Polres Kotabaru nang diwakili Ipda Sabar Hutagaol.
Nang dirajia bubuhan Satlantas itu; nang kada pakai helem, memakai kanalpot nang bunyinya sing nyaringan maraga dipacul saringannya, jua nang manyulisihi arah. Sedangkan nang bamotor; nang dirajianya; kada memasang sabuk pengaman (safety belt), supirnya mauk rahatan manyupir, manyulisihi arah wan liwar lajunya atawa kalimpatan laju alias mengebut.
Nah, supaya jangan takana rajia, maka siap akan badahulu surat-surat kendaraan; nang kaya STNK, SIM, wan jua kendaraan bujur-bujur lengkap pakakasnya. ©Jurnalisia™
Jurnalis : Agus Ariyanto
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.