Kotabaru, Marami akan Hari Kementerian Hukum dan HAM RI “HDKD (Hari Dharma Karya Dhika)” nang ke 78, Keluarga Besar Lapas Kelas IIA Kotabaru ma'ada akan Jalan Santai, Minggu (13/08/23).
Jalan santai ini dibuka langsung oleh Kalapas Kotabaru, Yosef Benyamin Yembise, dihadiri jua oleh Ustadz H. Rahmatullah dan Dokter Lapas Kotabaru, dr. Djoko Santoso nang umpat jua talibat di acara ini.
Rute jalan santai ini adalah mengulilingi intangan parak Lapas wan intangan sakuliling tembok Lapas; gasan marawa warga masyaràkat sekitar Lapas; start wan finish di halaman muka Lapas Kotabaru
Jalan santai ini jua dirami akan wan hadirnya Group Band "Antrabez" Warga Binaan Lapas Kotabaru Binaan Ibu Adiya Rosyalena (Kasubsi Bimbingan Kemasyarakatan) karuan menambah sumangat wan menumbuhkan rasa kakaluwargaan bubuhan peserta jalan santai wan masyarakat sekitar Lapas.
Yosef Yembise baucap, jalan santai sehat ini sebagai alat gasan menjalin silaturahmi antara Keluarga Besar Lapas Kotabaru wan warga masyarakat nang ada di saputaran Lapas Kotabaru. Sidin jua baharap kegiatan ini kawa mencair akan suasana di sasala aur bagawian melayani masyarakat wan kulawarga saban hari.
”Ulun maucap akan terimakasih atas partisipasi barataan pihak nang sudah hadir wan umpat marami akan kegiatan jalan santai ini,” ujar Kalapas nang orang matan Papua ini. ©Jurnalisia™
Jurnalis : Agus Ariyanto
*Isi Berita Dalam Dialek Kuala
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.