Tanah Bumbu,Liwar rusak kelakuan Abah Tiri nang saikung ini, anak tiri nang masih bau ganyir ditunggang jua.
NN (38), warga Desa Makmur Mulia Kecamatan Satui, ditangkap wan diaman akan Petugas Polsek Satui maraga imbah manunggang anak tirinya saurang. Kejadiannya bulan Juni 2023 di Desa Makmur Jaya Kecamatan Satui.
Kaliliwaran si NN ini manunggang anak tirinya, kita sambat haja ngarannya Aluh nang hanyar baumur 8 tahunan ini di kandang ayam.
Umanya di Aluh bakisah, mulanya abah tirinya membawai si Aluh mendanganinya membaiki jalan ke ampah kandang haraguan ayam, waktu itu umanya si Aluh ini rahatan membasuh piring di dapur kediamannya.
Imbah itu ujar Umanya si Aluh ini, sidin kadada melihat si Aluh wan abah tirinya lagi ada di luar andakan kandang haraguan ayam. Balalu sidin mencari si Aluh wan abah tirinya itu ke pondok haraguan ayam nang andakannya di muka ampah menuju keluar.
Batamuan am Umanya si Aluh, sidin melihat anaknya rahatan ditunggang abah tirinya saurang. Sidin tarik si Aluh, dibawa sidin imbah itu ke rumah kulawarga di Desa Sinar Bulan. Disini Aluh mengaku ditunggang abah tirinya nang kaya bininya saurang. Balalu am Umanya si Aluh melapor ke Polsek Satui kada terima anaknya ditunggang abah tirinya itu. ©Jurnalisia™
*Isi Berita Dalam Dialek Kuala
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.