Tanah Bumbu,Bubuhan Anggota DPRD Kabupaten Tanah Bumbu, belum lawas ini datang menjinguki Sekolah Luar Biasa (SLB) nang ada di Batulicin. Sekolahan ini bubuhan muridnya adalah kakanakan nang kada sama wan nang ada di sekolah umum biasa, tagal ada baisi kelainan khusus.
Ujar Wakil Ketua DPRD Kabupaten Tanah Bumbu, Sayid Ismail Kholil Alyderus nang jadi Kepala Ahuy kunjungan itu, bubuhan sidin nang datang ke SLB itu terdiri matan Komisi Gabungan, wan sudah dijadual akan sebelumnya.
Imbah tuntung menjinguki bubuhan murid wan macam-macam fasilitas di sekolahan itu, ujar Sayid Ismail pulang, bujur haja pang SLB ini di bawah pengelolaan pihak Pemprop, tagal musti dibantu jua, maraganya andakan sekolah ini ada di kabupaten.
Makanya am bubuhan DPRD ini kainanya mencari aturan atawa regulasinya kaya apa sakira pihak kabupaten kawa membantu SLB ini.
Nang umpat datang menjinguki SLB ini pinanya ada; Syamsisar, Abdul Rahim. Bobby Rahman, H. Abdul Kadir wan nang lainnya jua. ©Jurnalisia™
*Isi Berita Pakai Dialek Kuala
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.