Tanah Bumbu,Nang banyak ditahan di Lapas Kelas III Batulicin Tanah Bumbu wayah ini adalah bubuhan panyabuan wan nang ma'obat.
Lapas ini mustinya cuma batas tampungnya sampai 285 ikung haja.
Data nang didapat media ini, wayah ini Lapas Kelas III Batulicin Tanah Bumbu ini sudah diganai sebanyak 375 ikung Warga Binaan (Napi, Red).
Maka Lapas Kelas III Batulicin ini selain menampung Warga Binaan nang sudah divonis oleh Pengadilan, jua menampung tahanan titipan matan Kejaksaan.
Banyaknya Warga Binaan nang sudah diandak disana wayah ini, sasain batambah maraganya banyak tahanan di Polres atawa di Polsek-Polsek nang bila dikumpul akan barataan banyaknya ratusan ikung.
Dibangunnya Lapas Kelas III Batulicin ini maraga sebelumnya Warga Binaan matan Kabupaten Tanah Bumbu dikirim ke Lapas Kelas II-A Kotabaru nang sampat over menampung liwar banyak Warga Binaan lebih 1.000 ikung.
Lapas Kelas III Batulicin Tanah Bumbu ini mulai resmi dioperasikan pada 26 April 2022. ©Jurnalisia™
*Isi Berita Dalam Dialek Kuala
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.