"Uuuu...samalam nintu kah, nintu bubuhan urang kampung sini sambahiyang minta hujan atawa sambahiyang istiska," jawab Amang Akup tanpa menoleh ke Udin Sawa.
"Banyak kah urangnya nang umpat sambahiyang, piyan umpat jua kah ?" tanya Udin Sawa lagi.
"Ada pang kira-kira mun parak 400 ikungan tamasuk aku. Nang jadi imam Guru Amat," jawab Amang Akup.
Udin Sawa tampak ingin bicara, namun Mas Parjo melangkah masuk warung lalu memesan kopi.
"Wah, pinanya sudah lawan bubuan sampeyan disini," sapa Mas Parjo sambil senyum lalu duduk di sebelah Udin Sawa.
"Pinanya kada talihat cagaran hujan," kata Udin Sawa seperti berbicara kepada dirinya sendiri sambil mengipaskan tangan menghalau hawa panas dalam warung.
Tak berapa lama Asep melangkah masuk warung, memesan teh es, lalu duduk di dekat Amang Akup.
"Panas benar Cil lah hawanya hari ini, padahal masih baisukan," ujar Asep ditujukan ke Mama Hadran, pemilik warung.
"I'ih Sip ai, kanapa kah maka lawas kadada hujan-hujan, padahal bubuhan urang kampung sudah sambahiyang minta hujan," sahut Mama Hadran sambil mengelap keringat di dahinya dengan punggung telapak tangannya.
"Sabar ai, kita sudah bausaha, badu'a, sarah akan ai ka ampunnya (Tuhan, pen), kadanya balalu hujan situ saini, tagal mudahan ai lakas hujan," ujar Amang Akup.
"Parai Mang ai, amun malihat maniring ka atas langit; dimapa handak hujan amun awan haja kadada talihat," sahut Udin Sawa sinis.
"Kalo memang Tuhan berkehendak, biar nggak ada awan pun bisa aja hujan," ujar Mas Parjo yakin menyahuti Udin Sawa.
"Tapi, biarpun kehendak Tuhan; mesti masuk akal jua, mesti ada yang memicu hujan; bukan ujug-ujug tanpa ada awan," kata Asep sok ilmiah.
"Nah, bujur itu Sip ai. Musti masuk akal, kada kaya urang main sulap," sahut Udin Sawa sambil senyum karena merasa dapat dukungan.
"Sudah gin ai, kada usah dibahas bahimat. Di dunia ini ada hal nang kawa ditarima akal, ada jua nang kada, kita kada kawa tahu sabarata'an," ujar Amang Akup.
"Kenapa nggak panggil pawang hujan saja sih ?" tiba-tiba Mas Parjo bersuara.
"Nah, bisa jua tu ujar Mas Parju itu," Mama Hadran langsung menyahut.
"Parai jua am, buang-buang duit haja, caka manyiwa darun (drone, pen) ampun Cina nang kawa maulah hujan," ujar Udin Sawa tertawa.
Semua yang ada di warung saling pandang dan saling tatap setelah mendengar perkataan Udin Sawa. Amang Akup bangkit dari duduknya lalu melangkap menyerahkan bayaran kopi ke Mama Hadran disusul Mas Parjo. ©ISP
429 Pengunjung *Tulisan ini cuma fiksi, kesamaan tokoh, tempat dan karakter hanyalah kebetulan.
Tags
Pojok
