Bahasa l Ayo Belajar Basa Banjar (18); Sunya'an - Jurnalisia™

  • Jurnalisia™

    Mengusung Kearifan Lokal

    Jurnalisia™

    Sumber Data Cuaca: https://cuacalab.id
    Website Ini Telah Dilihat 98,18 Juta Kali

    Senin, 19 Februari 2024

    Bahasa l Ayo Belajar Basa Banjar (18); Sunya'an

    Assalamu alaikum warahmatullah wa barakatuh.
    Bubuhan Urang Banua, Kukula'an barata'an dimana haja ba'andak atawa bagana; nang di Kalimantan, di Jawa, di Tambilahan Riau, di Kuala Tungkal Jambi, dimana haja di sabarata'an Indonesia atawa nang di luar nagari, ayu kita basurah Basa Banjar pulang.

    Kita mambahas masa'alah babarapa kata nang tamasuk sama arti wan maksutnya tagal balain dialik haja. Napa haja kah nintu ? Baca wan janaki di bawah naya.

    Sabarata'an, atawa barata'an; dalam Basa Indonesia artinya; semua. Misalnya; "Pahuma'an nintu sabarata'an ampun kuwitannya." [Semua persawahan itu milik orangtuanya]

    Samunya'an, atawa ada jua nang manyambat samua'an; artinya sama haja; semua. Misalnya;  "Nang bagana di kampung naya samunya'an bubuhan urang matan Jawa." [Yang tinggal di kampung ini semuanya adalah kelompok orang dari Jawa] - "Kadada kah samua'an nang tahu dimana Udin bagana ?" [Tak ada kah semua yang tahu dimana Udin tinggal ?] 

    Sunya'an, artinya pun sama kalau dalam Basa Indonesia; semua, hanya saja kata ini lebih banyak digunakan oleh mereka yang menjadi penutur Dialek Pahuluan yang mendiami kawasan Banua Anam. Misalnya; "Sunya'an lih ampun kau naya ?" [Semuanya ini milikmu kah ?]


    Kikira itu haja dahulu nang kita bahas di kasampatan naya, insya Allah kainanya kita mambahas kata nang lain pulang. ©Jurnalisia™

    Tidak ada komentar:

    Posting Komentar

    Komentarmu adalah gambaran isi kepalamu, maka diam lebih bijak daripada sok tahu.

    Beranda