Bahasa l Ayo Belajar Basa Banjar (14); Kandara'an - Jurnalisia™

  • Jurnalisia™

    Mengusung Kearifan Lokal

    Jurnalisia™

    Website Ini Telah Dilihat 96,9 Juta Kali

    Rabu, 27 Desember 2023

    Bahasa l Ayo Belajar Basa Banjar (14); Kandara'an

    Assalamu alaikum warahmatullah wa barakatuh.
    Tarasa lawas kita kada basurah Basa Banjar, asa dandaman jua am.

    Di kasampatan naya kita mambahas masa'alah babarapa kata nang ada hubungannya wan kandara'an atawa taranspurtasi tagal nang di tabing haja. 

    Sampida atawa sapida, kandara'an naya baisian 2 ban wan 2 kulikar (pilang), kadada bamasin, supaya kawa bajalan, maka nang manunggang musti balajar kada satumat, maraganya mana manyatang, maninjak pidalnya, mana manjaga supaya jangan tarabah sampidanya.

    Sampida mutur atawa sapida mutur, kandara'an naya gin ai musti balajar jua am dahulu. Biar baisian masin tagal anun nang manunggang kada atawa baluman lihai bisa-bisa tapulas gas bahimat imbah mamasuk akan giginya; tarabang wan wan urang-urangnya. 

    Sampida mutur naya gin baisian 2 wan wan 2 kulikar jua; ada nang bagigi, ada jua nang wayah naya kadada baisian gigi alias matik, cukup sahibar mamulas gas wan manjajak mangacak rim haja. Ada jua pang biasa talihat sampida mutur nang baisian ban 3 tagal gasan urang nang husus atawa disabilitas.

    Jaman wayah naya nang ngaran sampida mutur nintu ada nang sambatannya sampida mutur laki, bibik, ada jua tarail.

    Ada nang rupa sampida mutur tagal ada baisian bak di balakangnya nang kaya mutur pikap atawa mutur tarak, macam-macam sambatannya sasuai mirik, ada nang manyambat tussa.

    Mutur, amun urang matan Suku Banjar manyambat mutur naya artinya mobil dalaman Bahasa Indonesia. Rupa wan mudilnya macam-macam; ada kaya sidan, jip, bis, mini bis, pikap, tarak, taruntun, talilar wan lainnya. Mutur naya baisian ban paling kada 4 sampai bapuluh.

    Sabarata'an kandara'an nintu bajalan pasti ai di jalan, timbuk atawa lurung. Amun bajalan mandusur di banyu, di sungai atawa laut sambatannya rakit, jukung, parahu, wan kapal. 

    Kikira itu haja dahulu nang kita bahas di kasampatan naya, insya Allah kainanya kita mambahas kata nang lain pulang. ©Jurnalisia™


    Tidak ada komentar:

    Posting Komentar

    Komentarmu adalah gambaran isi kepalamu, maka diam lebih bijak daripada sok tahu.

    Beranda