Bahasa l Ayo Belajar Basa Banjar (13); Kata Belanjaan wan Balanjaan - Jurnalisia™

  • Jurnalisia™

    Mengusung Kearifan Lokal

    Jurnalisia™

    Sumber Data Cuaca: https://cuacalab.id

    Sabtu, 09 Desember 2023

    Bahasa l Ayo Belajar Basa Banjar (13); Kata Belanjaan wan Balanjaan

    Assalamu alaikum warahmatullah wa barakatuh.
    Malaran lawas kita kada basurah Basa Banjar, asa dandaman jua am basurah Basa Banjar pulang ka bubuhan pian barata'an. 

    Di kasampatan naya kita mambahas masa'alah kata "tutukaran" wan "balanja'an", nang dalaman Basa Banjar balainan arti wan maksutnya dalaman Bahasa Indonesia.

    Tutukaran, dalaman Basa Banjar arti wan maksutnya ya itu barang-barang hasil manukar atawa biasa disambat ulanja'an, tasarah kulihan nukar langsung wan urang lain nang bajaja atawa nukar di pasar.

    Nah, dalaman Bahasa Indonesia ada jua sambatan "belanjaan", naya arti wan maksutnya sama haja wan "tutukaran", atawa maraga "belanja" maka hasilnya ya itu tadi belanjaan. 

    Ada jua kata dalaman Basa Banjar nang pina mahirip (sama) wan kata "belanjaan" ya itu "balanja'an" atawa kawa jua ditulis "balanjaan" cuma bidanya 1 hurup haja; hurup e wan hurup a.

    Biar pina mahirip "belanjaan" wan "balanjaan" naya; arti wan maksutnya jauh banar. Amun dalaman Bahasa Indonesia artinya hasil tutukaran atawa ba'ulanja, salang dalaman Basa Banjar; arti "balanjaan" naya amun diarti akan ka Bahasa Indonesia "balapan" atawa balajuan, balalajuan, badahuluan atawa badadahuluan.

    Kikira itu haja dahulu nang kita bahas di kasampatan naya, insya Allah kainanya kita mambahas kata nang lain pulang. ©Jurnalisia™


    Tidak ada komentar:

    Posting Komentar

    Komentarmu adalah gambaran isi kepalamu, maka diam lebih bijak daripada sok tahu.

    Beranda