Tanah Bumbu,Bapatahan am tulang awak gegara barumpakan mutur wan sampida mutur di Kelurahan Kampung Baru Kecamatan Simpang Empat Tanah Bumbu.
Kajadiannya hari Ahat (05/11/23) samalam sakira jam 15 WITeng. Kaya naya kisahnya, wayah itu binian nang manyupir mutur Toyota Agya bangaran Putri Ayu Maidarisna (32), warga Kelurahan Batulicin, mamarkir muturnya di subalah kiwa ampah matan Batulicin.
Mutur parkir nintu sapalih awaknya masih di jalan aspal. Rahatan turun pada mutur, si Putri ini pinanya kada balilihat alias kada maningau ka balakang, wayah mambuka lawang mutur dirumpaknya ulih sampida mutur nang ditunggangi Pahrul Raji wan Nurliati.
Labar am nang manunggang sampida mutur Honda Scoopy badudua tagugur ka aspal. Nang ampun mutur, Putri wan nang manyatir sampida mutur, Pahrul kada napa-napa, kadada luka, tagal si Nurliati malaran bangat; patah tulang bahu wan tulang papikangan rangat.
Pahrul Raji wan Nurliati nintu warga Desa Sinar Bulan Kecamatan Satui. ©Jurnalisia™
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.