Tanah Bumbu,Han tiya, napang habar, maninggal maraga dirumpak sampida mutur nang liwar sing lajuan.
Kaya naya kajadiannya, nang bangaran Reski Maulana (15), warga Kelurahan Batulicin Tanah Bumbu naya basampida mutur sing lajuan di Jl. Batfest di intangan Desa Gunung Antasari Kecamatan Simpang Empat, Jumahat (10/11/23) sakira jam 13.00 WITeng.
Si Reski nang masih kakanakan naya pinanya babalapan, manunggang sampida mutur Yamaha Mio Soul GT kalir habu-habu, lapas kandali ka bahu jalan subalah kiwa balalu marumpak nang bangaran Farhan (14), warga Desa Barokah.
Nang dirumpak naya rahatan manuntun urang babalapan pang. Farhan nang tarumpak naya patah tulang batis; patah tabuka wan luka hangkupan di kapala. Farhan maninggal imbah sawat dibawa ka RS Marina Permata. Si Reski nang marumpak Farhan; tadapat luka hangkupan di kapala, siup, kada ingat napa-napa di rumah sakit.
Kada kurang-kurang imbahnya bubuhan Pulisi managuri wan mahaga bubuhan nang babalapan naya, tagal tatap haja, maka bubuhan nang masih kakanakan ha pulang. ©Jurnalisia™
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.