KDRT, Nang Laki Manyucuk Paha Bininya Wan Lading - Jurnalisia™

  • Jurnalisia™

    Mengusung Kearifan Lokal

    Jurnalisia™

    Website Ini Telah Dilihat 96,9 Juta Kali

    Rabu, 29 November 2023

    KDRT, Nang Laki Manyucuk Paha Bininya Wan Lading

    Tanah Bumbu,
    "Ikam tuh handak mambunuh tarus, bunuh sudah nyaman ranai."

    Kajadiannya di Jl. Dirgantara RT 011 Desa Bersujud Kecamatan Simpang Empat, Salasa (28/11/23) sakira jam 16.30 WITeng.

    Sabaluman kajadian nintu warga bangaran Yanti nang bagana di intangan wadah kajadian mandangar kuciakan minta tulung matan rumah kurban. Balalu Yanti mandatangi ka ampah rumah asal kuciakan maminta tulung nintu.

    Sasampai di rumah nintu Yanti sampat mamadahi Hamdan (32), laki kurban nang bangaran Novi Arsita (30), tagal si Laki Kurban ini alahan mancabut lading ma'ampah akan ka parut nang bini. 

    Yanti naya umanya si Kurban, mancuba manarik Palaku tagal talapas, Palaku bamara ka nang bini manyucuk akan lading ka paha kanan. 

    Kurban nang badarahan naya bukah ka rumah umanya nang jauhnya sakira 15 mitir matan wadah kajadian. Nang uma manyusul mandatangi kurban.

    Palaku nang kada lain Laki si Kurban saurang sampat handak mandatangi Kurban tagal ditangati ulih bubuhan warga disana. Kajadian naya imbah nintu dilapur akan ka Polsek Simpang Empat nang kada lawas manangkap Palaku tindak pidana KDRT naya. ©Jurnalisia™ 

    Tidak ada komentar:

    Posting Komentar

    Komentarmu adalah gambaran isi kepalamu, maka diam lebih bijak daripada sok tahu.

    Beranda