Saikitannya barang buktinya, tagal ngarannya manyabu tatap ai ditangkap pulisi.
Satres Narkoba Polres Tanah Bumbu manangkap nang bangaran Faisal Rahman (27), warga Desa Bersujud Kecamatan Simpang Empat, Salasa (31/10/23) sakira jam 18.45 WITeng.
Bamula papadahan warga nang mamadah akan rami ada nang bajualan Sabu. Pulisi balalu manyalidiki wan bacacarian, tadapat am si Faisal naya.
Barang bukti nang dipakulih bubuhan pulisi nintu Sabu baratnya 0,66 garam, pipat kaca, sinduk sabu, bung wan isapannya, bungkus panyu atawa palastik, kurik apa alias titisan kalir biru, wan hinpun; barata'an brang bukti naya wan urang-urangnya dibawa ka Polres Tanah Bumbu. ©Jurnalisia™
