Ditimpas Maraga Managur Jangan Mangupal Bunyi Sampida Mutur - Jurnalisia™

  • Jurnalisia™

    Mengusung Kearifan Lokal

    Jurnalisia™

    Sumber Data Cuaca: https://cuacalab.id
    Website Ini Telah Dilihat 98,18 Juta Kali

    Minggu, 19 November 2023

    Ditimpas Maraga Managur Jangan Mangupal Bunyi Sampida Mutur

    Tanah Bumbu,
    Disiya kami andak wan buat gambar parangnya, malaran panjang parangnya nang dipakai gasan manimpas urang.

    Damiya kisah kajadiannya, sakira jam 00.30 WITeng (tangah malam, Red), Sabtu (18/11/23), di Desa Teluk Kepayang.

    Mulanya si Robi Asidik (28), warga Desa Teluk Kepayang naya duduk di warung. Imbah nintu datang si Agau, kita sambat haja ngarannya kaya naya; basampida mutur Suzuki Satria F, mangupal-ngupal bunyi sampida mutur. Si Robi Sidik managur si Agau supaya jangan mangupal-ngupal bunyi sampida mutur. 

    Ditagur jangan mangupal-ngupal bunyi sampida mutur si Agau naya pinanya kada tarima, jadinya bahualan 2 urang naya. Si Agau mandatangi Robi Sidik naya balalu manimpas wan parang. Mandakannya kada lawas imbah nintu ada nang mahalati, si Agau bukah imbahnya.

    Robi Asidik luka malaran bangat, dibawa ka Puskesmas Teluk Kepayang gasan ditambai. Imbahnya si Agau nang bukah nintu dilapur akan ka Polsek Kusan Hulu, baluman tadapat lagi si Agau naya masih dicari bubuhan Pulisi. ©Jurnalisia™ 

    Tidak ada komentar:

    Posting Komentar

    Komentarmu adalah gambaran isi kepalamu, maka diam lebih bijak daripada sok tahu.

    Beranda