Buhaya Mangaluar Matan Sungai Batulicin - Jurnalisia™

  • Jurnalisia™

    Mengusung Kearifan Lokal

    Jurnalisia™

    Sumber Data Cuaca: https://cuacalab.id

    Kamis, 02 November 2023

    Buhaya Mangaluar Matan Sungai Batulicin

    Tanah Bumbu,
    Hati-hati haja bubuhan nang bagana di pinggir sungai, jangan taya kalu pina dirungkau buhaya.

    Babarapa hari semalam ada talihat buhaya bagana,an di tabing di pinggir Sungai Batulicin. Naya buhaya banyu masin, biar pina ambak tagal pasti marungkau amun tadapat mangsa.

    Buhaya nang malaran ganal nintu talihat pina ranai wayah dividiu warga pakai kamira hinpun.

    Dikatahuwani buhaya-buhaya nintu rahat mangaluar kada cuma di Sungai Batulicin, tagal jua suah talihat di intangan pelabuhan iwak PPI Simpang Empat, jua suah talihat rahatan baku bakunyung ka Pulau Sawangi.

    Di wilayah Kotabaru nang kaya itu jua, buhaya-buhaya sudah rahat mangaluar di Sungai Cantung utamanya di intangan Desa Karang Payau. Makanya am bubuhannya lah nang katuju manangkapi iwak atawa maunjun; hati-hati kalu pina jadi mangsa buhaya, labar am kaina. ©Jurnalisia™

    Tidak ada komentar:

    Posting Komentar

    Komentarmu adalah gambaran isi kepalamu, maka diam lebih bijak daripada sok tahu.

    Beranda