Tanah Bumbu,Biar saikitannya amun Sabu, wan tahaga bubuhan Pulisi, kada bataha kada ditangkap bubuhannya nintu wan pacangan tahukum.
Kaya naya nang bangaran Rizwan (30), warga Enrekang Sulsel, tahaga wan tadapat bubuhan Unit Reskrim Polsek Angsana Polres Tanah Bumbu.
Bubuhan warga di Kecamatan Angsana mamadah akan rancak ada nang bajualan Sabu. Bubuhan Pulisi balalu manyalidiki, katahuan wadahnya ada di bingkil alias workshop nang ada di intangan Desa Mekar Jaya.
Hari Arba dahulunya (22/11/23) sakira jam jam 23.00 WITeng, saikung angguta Unit Reskrim Polsek Angsana bapura-pura jadi panukar langsung nang bajual. Imbah mangaluar akan 1 pakit Sabu, nang bajual nintu langsung diaman akan patugas nang bapiragah jadi panukar nintu.
Digalagai di kamar guring di kadiaman nang bajual Sabu nitu; tadapat 2 pakit Sabu dalam tas pinggang kalir habang 2 pakit wan timbangan.
Barataan Sabu nang tadapat bubuhan Unit Reskrim Polsek Angsana nintu baratnya 0,39 garam, ada jua barang bukti lain; punsil wan bung gasan maisap Sabu. ©Jurnalisia™
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.