Polsek Satui Tangkap 2 Panyabuan - Jurnalisia™

  • Jurnalisia™

    Mengusung Kearifan Lokal

    Jurnalisia™

    Sumber Data Cuaca: https://cuacalab.id

    Selasa, 03 Oktober 2023

    Polsek Satui Tangkap 2 Panyabuan

    Tanah Bumbu,
    2 ikung panyabuan ditangkap wan dibawa Unit Reskrim Polsek Satui gasan diperiksa wan diproses hukum.

    Operasi Sikat Intan II tahun 2023 bahasil menangkap Bolot (27), warga Desa Sungai Danau Kecamatan Satui, wan Rudi (27), warga Desa Sungai Cuka Kecamatan Satui.

    Kisah kejadiannya Jumahat (29/09/23) sekira jam 01.00 WITeng, bubuhan Polsek Satui dapat informasi matan orang kampung bahawa si Rudi rancak menyabu. Balalu ai bubuhan polisi menangkap Rudi dibawa ke Polsek, dites urine sekalinya positif memakai.

    Matan muntung Rudi mengaku imbah menyabu wan Bolot. Bubuhan Polisi menyelidiki si Bolot ini. Tatamu am wan Bolot di muka Alfamart di Km 167 Desa Sungai Danau. Polisi manggalagai si Bolot, tatamu 2 paket Sabu beratnya 1,06 gram nang disimpan di kantong salawar sebelah kanan dalam salipi (ipuk, dompet) kalir hirang.

    Sabarataan barang bukti tamasuk duit Rp 400 ribu diaman akan Unit Reskrim Polsek Satui wan orang-orangnya. ©Jurnalisia™ 

    Tidak ada komentar:

    Posting Komentar

    Komentarmu adalah gambaran isi kepalamu, maka diam lebih bijak daripada sok tahu.

    Beranda