Pacang Ngalih Banyu, Embung Gunung Tirawan Kotabaru Karing - Jurnalisia™

  • Jurnalisia™

    Mengusung Kearifan Lokal

    Jurnalisia™

    Sumber Data Cuaca: https://cuacalab.id

    Senin, 02 Oktober 2023

    Pacang Ngalih Banyu, Embung Gunung Tirawan Kotabaru Karing

    Kotabaru,
    Minta maap bubuhan PDAM Kotabaru, maraga penampungan banyu atawa embung Gunung Tirawan kadada banyunya lagi alias karing.

    Tahitung matan hari ini Sanayan (02/10/23), PDAM mahabar akan melalui media sosial; bahawa kada kawa lagi mengalir akan banyu ke bubuhan pelanggannya.

    "Sampai wayah ini lancar haja pang banyu di wadah kami ini," ujar warga nang bagana di Gunung Reli Kotabaru.

    Lancarnya banyu di intangan Gunung Reli itu maraganya penampungan banyu nang ada di Gunung Reli itu atawa Instalasi Pengolahan Air (IPA) pinanya masih ada banyunya.

    Tagal amun musim panas kada ampih jua dalam beberapa minggu kaina; kada mustahil barataan penampungan banyu ti'is karing kada babanyu lagi.

    "Nukar banyu wayah ini se drum Rp 20 ribu, itu gin ai amun ada jua nang bajual," ujar saikung warga di Kotabaru Hulu. ©Jurnalisia™ 

    Tidak ada komentar:

    Posting Komentar

    Komentarmu adalah gambaran isi kepalamu, maka diam lebih bijak daripada sok tahu.

    Beranda