Tanah Bumbu,Kada baijin pang, makanya am diangkut bubuhan Polsek Kuranji, ampunnya jua dibawa ke Polsek.
Ketahuan menyimpan 24 botol minuman nang maulah mauk alias Miras jenis Anggur Merah cap Orang Tua.
Kejadiannya di Desa Waringin Tunggal Kecamatan Kuranji. Bubuhan Polsek Kuranji melaksana akan Operasi Sikat Intan II tahun 2023, Ahat ((01/10/23) sekira jam 19.30 WITeng.
Ada warga nang memadah akan bahawa ada nang bajualan Miras. Dipimpin langsung oleh Kapolsek Kuranji, Iptu Anang Setyawan, SH wan anggotanya bahasil me'aman akan barang bukti nang diandak di dapur rumah.
Ampun Miras jenis Anggur Merah cap Orang Tua itu bangaran Idam (45), warga Desa Waringin Tunggal. Karuan ai si Idam ini dibawa polisi sagan diperiksa. ©Jurnalisia™
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.