Tanah Bumbu,Bubuhan RSUD Amanah Husada Tanah Bumbu, INAFIS Sat Reskrim wan Satpolairud Polres Tanah Bumbu, jua INAFIS Polda Kalsel memadah akan mayat nang didapat di laut beberapa hari semalam, kada didapati tanda-tanda bekas kekerasan.
Bubuhannya jua bahasil mangatahuwani mayat itu siapa; ngarannya Agung (29), warga Desa Gunung Samarinda Kaltim.
Hasil koordinasi wan bubuhan pelayaran; ada tas nang kada dikatahuwani siapa ampunilah nang tatinggal di kapal ampun PT Dharma Lautan Utama (DLU) jurusan Kaltim - Surabaya. Wayah ini tas itu rahatan dalaman pengiriman ke Banjarmasin wan dilanjut akan Batulicin oleh bubuhan pelayaran. Amun sudah sampai kaina tas pacangan diperiksa mudahan ampunnya mayat nang didapat itu.
Bubuhan Polisi sudah jua mahubungi sabarataan ngaran nang ada di Kartu Keluarga, tagal ponsel-nya kadada nang aktip.
Wan jua bubuhan Polisi mencoba minta data pelayaran jurusan Batulicin, Kaltim, Banjarmasin, Makassar wan Surabaya wayah tanggal 29 wan 30 September sampai tanggal 3 Oktober gasan dicocok akan wan ngaran korban. ©Jurnalisia™
Sumber : Polres TB
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.