Ditinggal Bini Saurangan Lakian Ini Bagantung Diri - Jurnalisia™

  • Jurnalisia™

    Mengusung Kearifan Lokal

    Jurnalisia™

    Sumber Data Cuaca: https://cuacalab.id
    Website Ini Telah Dilihat 98,18 Juta Kali

    Senin, 16 Oktober 2023

    Ditinggal Bini Saurangan Lakian Ini Bagantung Diri

    Tanah Bumbu,
    Sudah buruh wan dihurungi ulat, mayat lalakian ini didapat jirannya tagantung di kursin lawang dapur dalam rumahnya.

    Kejadiannya di Perumahan KPI Blok AA3 Desa Kersik Putih Kecamatan Batulicin. Warga nang jua bagana di komplek perumahan itu bangaran A. Ainul Musyafa, Ahad (15/10/23) sekira jam 14.00 WITeng, mahingut bau bangkai. 

    Warga itu balalu mencari asal bau itu tagal kada tatamu. Beberapa lawas warga itu mahingut bau bangkai pulang di intangan rumahnya. Dicarinya bau itu sampai ke rumah si Syahdan, kita sambat haja ngarannya itu. Si Ainul ini mahintip ke dalam rumah Syahdan melalui lalungkang; talihat si Syahdan tagantung pakai kain kalir habang.

    Mangatahuwani jurannya si Syahdan meninggal tagantung, Ainul melapor ke Polsek Batulicin.

    Ujar Ainul, inya pa'ampihan melihat si Syahdan itu 3 hari sebeluman meninggal bagantung diri. Pinanya sudah beberapa hari meninggal makanya sampai babau sudah mayatnya.

    Ditangguh maraga babunuh diri itu si Syahdan itu ada hual wan nang bini wan jua masa'alah kebanyakan hutang. Si Syahdan ini saurangan haja bagana di perumahan itu, ditinggal akan nang bini. Sebeluman bagantung diri si Syahdan itu sempat menulis surat, bakisah dimapa kehidupan inya. Suratnya itu liwar sedih, makanya kada kami buat dulu disini. ©Jurnalisia™ 

    Tidak ada komentar:

    Posting Komentar

    Komentarmu adalah gambaran isi kepalamu, maka diam lebih bijak daripada sok tahu.

    Beranda