Tanah Bumbu,Pagat jariji kalingking urang dapatnya timpasan parang, wan lintuhutnya jua luka ganal.
Damiya kisahnya, wayah nintu hari Kamis (12/10/23) sakira jam 18.00 WITeng, nang bangaran Muhammad Hendriansyah (26), warga Desa Sarigadung Kecamatan Simpang Empat naya rahatan babasuh piring di wadah gasan bakarukian di Desa Sarigadung nintu jua. Datang nang bangaran Rijani Rahman alias Maman (29), warga Desa Mantewe Kecamatan Mantewe.
Si Maman naya datang-datang balalu manimpas si Hendriansyah, takana tangan kiwa; pagat am jariji kalingkingnya. Si Hendriansyah naya tarabah, ditimpas pulang ulih Maman, takana lintuhut kiwa; wawah am jua.
Sabalumannya antara si Hendriansyah wan Maman naya ada tapahual, makanya si Maman datang-datang manimpas. Si Maman naya kada mambawa parang haja tagal jua basangu lading, niat banar pinanya handak mambunuh urang nang kada pakai napa-napa. Si Maman naya waninya cuma baparang wan balading haja jua.
Maraga nintu am si Maman dilapur akan ke Polsek Simpang Empat, nang balalu mancari Maman wan bahasil manangkapnya di SDN 2 Mantewe, Jumahat (27/10/23). ©Jurnalisia™
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.