Babawa Anak Binian di Bawah Umur Dilapor Akan Kuwitannya - Jurnalisia™

  • Jurnalisia™

    Mengusung Kearifan Lokal

    Jurnalisia™

    Sumber Data Cuaca: https://cuacalab.id
    Website Ini Telah Dilihat 98,18 Juta Kali

    Senin, 23 Oktober 2023

    Babawa Anak Binian di Bawah Umur Dilapor Akan Kuwitannya

    Tanah Bumbu,
    Masih sekolah tagal sudah wani membawa anak binian orang, labar am dilapor akan kuwitannya ke polisi.

    Kita sambat haja ngarannya, Ariyanto (18), pelajar, warga Desa Mentawakan Kecamatan Mantewe ini dilapor akan ke polisi maraga membawa si Piah (11), pelajar, warga Desa Harapan Maju Kecamatan Karang Bintang.

    Kejadiannya hari Sabtu semalam, tanggal 21 Oktober 2023. Mulanya si Piah ini manalipun umanya pakai pidiukul (video call) WA. Umanya manakuni pabila bulik tagal si Piah ini balalu memati'i talipun. Imbah itu nang bangaran Suharto ada manalipun umanya si Piah memadah akan bahawa si Piah kadada di rumah; bajalan wan lakian.

    Isuknya, Ahat, tanggal 22 Oktober 2023 sekira jam 07.00 WITeng, si Piah ini bulik ke rumah diantar oleh Ariyanto. Maraga itu am umanya si Piah kada terima alias keberatan maka melapor akan si Ariyanto ke Polisi.

    Labar si Ariyanto baurusan wan Sat Reskrim Polres Tanah Bumbu maraga babawa anak binian orang nang masih di bawah umur. ©Jurnalisia™ 

    Tidak ada komentar:

    Posting Komentar

    Komentarmu adalah gambaran isi kepalamu, maka diam lebih bijak daripada sok tahu.

    Beranda