Tanah Bumbu,Papadahan orang kampung ke Polisi bahawa ada nang manyabu di rumah warga bangaran Rulan di Desa Sepakat Kecamatan Mantewe.
Imbah mendapat papadahan bubuhan orang kampung itu bubuhan Polsek Mantewe menyelidiki kebujuran papadahan itu.
Bubuhan Polsek Mantewe mendatangi rumah Rulan, menggalagai si Rulan, tadapat am barangnya; 1 paket ganal wan 4 paket halus Sabu nang diandak dalam kantung salawar sebelah kiwa, wan bubuhan Polisi tadapat duit Rp 1 juta.
Selain itu bubuhan Polsek menggalagai si Wawan nang ada di rumah si Rulan itu, tadapat jua 1 paket ganal wan 3 paket halus Sabu di dalam kantung salawar sebelah kanan.
Barataan barang bukti Sabu nang tadapat bubuhan Polsek Mantewe itu ada 2 paket ganal wan 7 paket harus nang beratnya barataan 1,53 gram. Barataan barang bukti wan nang lainnya tamasuk Rulan wan Wawan dibawa ke Polsek Mantewe gasan diperiksa wan ditakuni. ©Jurnalisia™
