Kotabaru,Ada mayat binian tadapat warga, tatalungkup di pinggir laut sebelah Timur Batu Kukusan Desa Kanibungan Kecamatan Pulau Sebuku.
Informasi nang didapat, tadapat mayat itu, Kamis (14/09/23) semalam sekira jam 06.00 WITeng. Mayat kada sing bajuan, di atas batu, tadapat warga nang rahat bulik datang di laut.
Warga nang tadapat mayat itu balapor ke Pembakal nang balalu balapor ke bubuhan Polsek. Sekira jam 10.00 WITeng bubuhan Polsek datang ke wadah mayat tadapat itu, memasang garis polisi.
Ada habar bubuhan warga disana, di Desa Sekapung; pada Ahat (10/09/23) sekira jam 05.15 WITeng, ada orang hilang nang meninggalkan rumah, identitas atawa data-data orang hilang itu; ngarannya Rahmawati alias Mama Rizal, umur 38 tahun, suku Bugis, warga RT 04 Desa Sekapung Kecamatan Pulau Sebuku.
Mayat sudah dibawa ke RSUD Pangeran Jaya Sumitra gasan diperiksa wan di-visum et revertum. ©Jurnalisia™
Jurnalis : Agus Ariyanto
