Lanal Kotabaru Manyunat 57 Kakanakan wan Babagi Sembako Garatis - Jurnalisia™

  • Jurnalisia™

    Mengusung Kearifan Lokal

    Jurnalisia™

    Sumber Data Cuaca: https://cuacalab.id

    Jumat, 15 September 2023

    Lanal Kotabaru Manyunat 57 Kakanakan wan Babagi Sembako Garatis

    Kotabaru,
    Sakadanya ada 57 ikung kakanakan nang disunat garatis.

    Basunat garatis itu ba'andah di Pos TNI AL Tanjung Pelayar Kecamatan Pulau Laut Kepulauan, Kamis semalam (14/09/23).

    Ujar Komandan Lanal Kotabaru, Letkol Laut (P) Hapsoro A.P, SH, MH, CHRMP, gawian sunatan itu dalaman rangkaian memperingati HUT TNI AL ke 78 wan HUT Jalasenastri ke 77.

    Selain itu jua ada pembagian Sembako gasan bubuhan warga nang bagana di pesisir. Ujar Danlanal, Sembako nang dibagi akan itu banyak 250 paket.

    “Ulun jua berharap gawian ini nudahan kawa mamisit silaturahmi wan kawa langsung dirasa akan manpaatnya oleh bubuhan warga, jua wan kakanakan kita nang imbah disunat," ujar Danlanal.

    Basunat garatis wan babagi Sembako ini hasil gawibasama'an Lanal Kotabaru wan satu perusahaan nang menggawi gas di wilayah Kotabaru. ©Jurnalisia™

    Jurnalis : Agus Ariyant

    Tidak ada komentar:

    Posting Komentar

    Komentarmu adalah gambaran isi kepalamu, maka diam lebih bijak daripada sok tahu.

    Beranda