Tanah Bumbu,Rahatan duduk dalam rumahnya sidin ini didatangi bubuhan Polisi wan digagai, tadapatnya am Sabu 4 paket.
Kejadiannya di rumah nang ada di Jl. H. Antung Desa Gunung Antasari Kecamatan Simpang Empat Tanah Bumbu, Kamis semalam (31/08/23) sakira jam 00.30 WITeng atawa jam setengah 1 malam.
Hendra Mahesa (27), warga Desa Gunung Antasari ini tadapat baisian, manyimpan Sabu 4 paket nang baratnya 0,2 gram.
Ujar bubuhan Polisi, ada bubuhan warga disana nang mahabar akan rancak ada nang bajualan Sabu, makanya bubuhan Polisi matan Satres Narkoba Polres Tanah Bumbu mendatangi rumah si Hendra itu, sekalinya bubujuran tadapat barangnya.
Barang bukti Sabu wan bukti lainnya wan nang ampunnya dibawa ke Polres Tanah Bumbu gasan ditakuni, diperiksa wan diproses hukum. ©Jurnalisia™
