Pendukung Prabowo di Bogor Pindahan Dukung Ganjar - Jurnalisia™

  • Jurnalisia™

    Mengusung Kearifan Lokal

    Jurnalisia™

    Sumber Data Cuaca: https://cuacalab.id

    Senin, 28 Agustus 2023

    Pendukung Prabowo di Bogor Pindahan Dukung Ganjar

    Bogor,
    Han tidak napa habar am, pendukung Prabowo Subianto di Kabupaten Bogor Jawa Barat bapindah mendukung Ganjar Pranowo.

    Mengutip matan Tribun Bogor, Ahad (27/08/23), bubuhan nang asalnya pendukung Prabowo Subianto nang bangaran SP19, baramian di Cibinong, menyata akan bapindah dukungan ke Ganjar Pranowo wan mengganti ngaran menjadi GP24.

    Di wadah acara ada tabantang spanduk batulisan 'Pejuang Prabowo 19 cabut dukungan.'

    Bunuhannya bakuciakan, "berjuang bersama Pak Ganjar Pranowo."
    Bubuhannya jua kompak mengganti baju kaos putih nang asalnya bagambar Prabowo jadi baju kaos nang bagambar Ganjar nang batulisan habang 'GP2024 kini kami berjuang.'

    Ketua GP24 Kabupaten Bogor, M. Aceng mamadah akan bubuhan inya imbah dapat pelajaran nang liwar baharga wayah jadi pendukung Prabowo di Pilpres 2019. Wan jua memadah akan Ganjar ini pas liwar gasan memimpin Indonesia jadi Parsidin.

    Dikatahuwani Kabupaten Bogor ini penduduknya ada sekira 1,4 juta jiwa lebih. ©Jurnalisia™



    Tidak ada komentar:

    Posting Komentar

    Komentarmu adalah gambaran isi kepalamu, maka diam lebih bijak daripada sok tahu.

    Beranda