Kotabaru,Kada sedikit sudah warga di Kotabaru nang hara pacang ngalih pulang banyu di musim panas ini nang kaya tahun-tahun sebelumannya.
Saban tahun pabila takana musim panas atawa kemarau, musti ngalih kulihan banyu. Maraganya wadah panampungan banyu PDAM nang jua taumpat karing.
Hanyar-hanyar ini PDAM Kotabaru sudah mengelua akan imbauan supaya warga masyarakat ma'imit banyu, kada haran alahan babuang-buang banyu amun kada perlu banar.
Maraga lainnya, sabarataan warga pasti sudah tahu banar; hutan-hutan banyak ditabangi pohonnya gasan ditanami kelapa sawit. Alahan lagi ada warga nang manyambat banyak tambang batubara nang buka; di Pantai Baru, di Bakambit, alahan ada jua tambang di Sigam, di Sungai Taib wan Sambuluan.
Urusan banyu di Kotabaru ini pina kadada ba'ubah sasain tahun tatap haja warga ngalih bila takananya musim panas. ©Jurnalisia™
*Isi Berita Dalam Dialek Kuala
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.