Kotabaru,Mulai hari Sanayan (07/08/23) Satlantas Polres Kotabaru melaksana akan perubahan format ujian praktik gasan maulah SIM.
Format hanyar ini berdasarkan Keputusan Kakorlantas Polri Nomor: Kep/105/VIII/2023 nang ma'atur parihal Pelaksanaan Uji Praktik Penertiban SIM.
Di format hanyar ini pinanya kada lagi bamacam-macam nang kaya tadahulu, kadada lagi talihat jalan nang potongannya kaya angka walu (delapan) malingkar bakuliling, tagal diganti wan nang kaya hurup S nang lintasannya diligari.
Tujuan perubahan ini gasan menyempurna akan proses ujian praktik SIM, wan menyesuai akan materi wan format ujian supaya tetap relevan dan efektif.
Bubuhan peserta nang kada bahasil lulus ujian praktik SIM, diberi kesempatan gasan maumpati ujian ba'asa di hari nang sama atawa dalam jangka waktu 14 hari wan peluang ma'asai ujian sebanyak 2 kali.
Tambahan pulang, Satuan Pelayanan SIM (Satpas) diperintah akan membimbing belajar gratis nang mencakup materi ujian teori wan praktik SIM. Ini tujuannya gasan membantu calon peserta uji SIM nang belum baisi pengalaman sekolah mengemudi. ©Jurnalisia™
Jurnalis : Agus Ariyanto
*Isi Berita Dalam Dialek Kuala
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.