Disuruh Ma'atar Kayu Harang Motor Trak Alahan Dilari Akan Supir - Jurnalisia™

  • Jurnalisia™

    Mengusung Kearifan Lokal

    Jurnalisia™

    Sumber Data Cuaca: https://cuacalab.id

    Kamis, 10 Agustus 2023

    Disuruh Ma'atar Kayu Harang Motor Trak Alahan Dilari Akan Supir

    Tanah Bumbu,
    Supir ini pinanya malari akan motor trak nang disupirinya, makanya am dilapor akan ampun motor ke Polisi.

    Kisahnya pada 1 Agustus 2023 si supir bangaran Ifamuji alias Muji (30), warga Desa Murung Panti kecamatan Babirik HSU disuruh ampun motor trak bangaran Suparno Sutanto (62), warga Desa Megasari Kecamatan Pulau Laut Utara Kotabaru; ma'antar kayu harang ke Banjarmasin pakai motor trak Mitsubishi bak kayu DA 8348 DL.

    Malamnya ampun motor trak mahubungi supirnya, si supir mengaku rahatan antri di SPBU maisi minyak. Tagal imbah itu dihadang-hadang si supir nang samustinya sudah bulik itu, kadada datang jua, alahan ditalipuni kada hakun ma'angkat talipun.

    Mendapat laporan matan korban, Unit Reskrim Polsek Simpang Empat wan Unit Resmob Polres Tanah Bumbu nang di-backup Unit Jatanras Polresta Samarinda wan Unit Jatanras Polda Kaltim, pada Kamis (10/08/23) bahasil ma'aman akan si supir nang diduga handak ma'ambil motor trak ampun orang itu di Jl. Kurnia Makmur Kelurahan Harapan Baru Kecamatan Loa Jalan Ilir Kota Samarinda Kaltim. ©Jurnalisia™

    *Isi Berita Dalam Dialek Kuala 

    Tidak ada komentar:

    Posting Komentar

    Komentarmu adalah gambaran isi kepalamu, maka diam lebih bijak daripada sok tahu.

    Beranda